صدفه وانا جالس لها رافـع الـراس.=قامت مزون الفكـر تنثـر مطرهـا.
اثعولها صبت علـى كبـد قرطـاس.=تباشرت فيهـا العـروق وشجرهـا.
اغصون ودي حالها عقب الايبـاس.=لانت من الواابـل وفتّـح زهرهـا.
حايم بقلبي قايـد الـود بإحسـاس.=حوّل على الفكره يرسّـم صورهـا.
من واقعٍ بالحب دقـن لـه اجـراس.=دقـن بـروحٍ جَـدْ ودْ وعسـرهـا.
بوصافها غنيت واتعبـت الاخمـاس.=على جبين الطرس شايـل بحرهـا.
الجادل اللي حسنهـا حيـر النـاس.=ياكبـر حـظ اللـي بعينـه نظرهـا.
العين ظمـت لآيـة الليـل بنعـاس.=واهداب عينـه بالمخاطـر شهرهـا.
كنّه يهدد ضامـي الحـب بأتعـاس.=والنفس مـن سلهامتـه ياقشرهـا.
يسل نظـراتٍ مثـل حـد الامـواس.=لين القلوب الخضر تشكي سهرهـا.
تشكي سهومٍ بالخطر تضرس اضراس.=تطرح ضحيتهـا وياصـل خبرهـا.
دم الشهيد مخالطـه كـادي انفـاس.=يحكم مجال الزيـن نثـرة شعرهـا.
قطعة ظـلام بليلـةٍ حالـك ادمـاس.=وشع البدر بيـن الجبيـن وثغرهـا.
ضحكة ثمانه كنهـا لـول والمـاس.=تآخذ من بـروق الليالـي سحرهـا.
العنق شبـر ام الثلاثيـن مقيـاس.=ومازاد عنهـا زاد زيـن وغمرهـا.
داعبتها باللطف مـع كـل نسنـاس.=كن القمـر ساكـن بغـرة نحرهـا.
يامهـرةٍ ماساسهـا كـل سـواس.=ولا روضـت سبحـان ربٍ فطرهـا.
ودعتها واقرا عليهـا مـن النـاس.=من شر خنـاس الجنـون وبشرهـا.